Psa 82 | VulgJ | STEP | canticum psalmi Asaph canticum psalmi Asaph

Psalms 82

1 canticum psalmi Asaph ^va 2 Deus quis similis erit tibi ne taceas neque conpescaris Deus ^va 3 quoniam ecce inimici tui sonaverunt et qui oderunt te extulerunt caput ^va 4 super populum tuum malignaverunt consilium et cogitaverunt adversus sanctos tuos ^va 5 dixerunt venite et disperdamus eos de gente et non memoretur nomen Israhel ultra ^va 6 quoniam cogitaverunt unianimiter simul adversum te testamentum disposuerunt ^va 7 tabernacula Idumeorum et Ismahelitae Moab et Aggareni ^va 8 Gebal et Ammon et Amalech alienigenae cum habitantibus Tyrum ^va 9 etenim Assur venit cum illis facti sunt in adiutorium filiis Loth diapsalma ^va 10 fac illis sicut Madiam et Sisarae sicut Iabin in torrente Cison ^va 11 disperierunt in Endor facti sunt ut stercus terrae ^va 12 pone principes eorum sicut Oreb et Zeb et Zebee et Salmana omnes principes eorum ^va 13 qui dixerunt hereditate possideamus sanctuarium Dei ^va 14 Deus meus pone illos ut rotam sicut stipulam ante faciem venti ^va 15 sicut ignis qui conburit silvam sicut flamma conburens montes ^va 16 ita persequeris illos in tempestate tua et in ira tua turbabis eos ^va 17 imple facies illorum ignominia et quaerent nomen tuum Domine ^va 18 erubescant et conturbentur in saeculum saeculi et confundantur et pereant ^va 19 et cognoscant quia nomen tibi Dominus tu solus Altissimus in omni terra

^va